1 желтоқсанда Қазақстанда бірінші рет Тұңғыш Президент күні аталып өткелі отыр. Қуанышты мереке қарсаңында Қазақстанның әр аймақтарында әр түрлі іс-шаралар өткізілуде. Оңтүстік Қазақстан облысы Шымкент қаласы білім бөлімінің ұйымдастыруымен «Менің елім – менің Президентім» атты тақырыпта 5-11 сынып оқушыларының арасында үздік шығармалар сайысы өтті. Шығармалар сайысына қала мектептерінен 72 мектеп, 170 оқушының жұмысы қатысты. Ең үздік деп танылған Ө.Жәнібеков атындағы №19 жалпы орта мектептің 11-сынып оқушысы Төкен Айгүлдің, А.Бөкейханов атындағы №2 жалпы орта мектептің 11 сынып оқушысы Батырбекова Санияның, А.Макаренко атындағы №41 мектеп-лицейінің 9-сынып оқушысы Рамазанова Меруерттің Т.Тәжібаев атындағы №47 мектеп-гимназиясының 11 сынып оқушысы Сүлеймен Диананың, М. Жұмабаев атындағы №39 жалпы орта мектептің 11 сынып оқушысы Асылбеков Даниелдің, С.Көбеев атындағы жалпы орта мектептің 9 сынып оқушысы Өмірқұлова Махираның жұмыстары ұсынылып отыр.