Асхана - біздің мектептің екінші қабатында орналасқан. Асхана кең әрі жарық. Онда түрлі тағамдар дайындайды. Асхана кірген бойы бізді Майра апай жылы күлімдеп қарсы алады. Алдыңа небір түрлі тағамдарды жайнатып қояды. Мұнда тоқаштар, бәліштер, самса, түрлі пісірмелер және ыстық тамақ та бар. Қалағаныңды таңдап, жайлы орындықтарға орналасасың. Аппақ, таза үстелдер жағалай орналасқан. Барлық оқушыларға орын табылады. Ұзақ қоңырау кезінде асықпай тамақтанып, әрі қарай сабақ оқуға күш жинаймыз.