Алланың әмірі ғой. Әкеден ерте айырылдық. Оның мейірімін сезіне алмасам да, тағдырыма ризамын. Себебі, атам Қыздарбектің тәрбиесін көрдім. Ол өмірден түйгені мол, көзі ашық, көкірегі ояу жан еді. Осы күнде атамның айтқан ақыл-кеңестерін жиі есіме аламын. Қазір ойлап отырсам, ұрпақ тәрбиесіне айрықша мән беріпті, жарықтық. Айтқандарының бәрі жұрағатына әлі күнге дейін рухани азық болып келеді.