Ертегі халық шығармасы, халық мұрасы. Ертегіні сүйіп тыңдайтын, сүйіп оқитын балалар. Ертегі арқылы балалар жақсы мен жаманды, ақымақ пен дананы айырып, армандауға, қиялдауға үйренеді, ой-өрісі кеңейеді. Осы мақсатта 22- тамыз күні Қоңырат кентіндегі №5 балалар кітапхана-филиалында «Менің сүйікті ертегім» тақырыбында ертеңгілік болып өтті. Кешімізге мүмкіндігі шектеулі балалар көрермен ретінде шақырылып, сау балалардың қатысуымен өткен Шарль Перроның «Қызыл телпек» ертегісінің қойылымын тамашалады. Қызыл телпекті сомдаған 4- сынып оқушысы Қамбар Жаннұр, қасқыр болып ойнаған 3- сынып оқушысы Мейірханов Әлихан өз ролдерін келістіріп ойнап балалардың қызығушылығын арттырды. Қойылымнан кейін мүмкіндігі шектеулі балалар Айнұр, Олжас, Айгерім би билеп өз өнерлерін көрсетті. Кеш соңынан барлық балалар арасында ойындар ойнатылды.