Туган авыл дип әйтүгә, минем күз алдыма мәһабәт агачлар, яшел урамнар, матур өйләр килә. Әйе, туган авылым Иштуган нәкъ менә шундый. Бәлки миңа гына шулай тоеладыр, ләкин минем туган авылымнан да гүзәлрәк, рәхәтрәк җир дөньяда юк. Урман шавы, кошлар аһәңе, күке авазы миңа кечкенәдән үк таныш, чөнки Иштуганны дүрт яклап урман әйләндереп алган. Саф һавада, урман гүзәллеген тоеп, яшеллеккә күмелеп үстем.